隨住兩年一度嘅迪士尼Fans大會「D23 Expo」將於周末舉行，最近有傳Marvel Studios主席Kevin Feige屆時將揭曉更多勁爆消息，其中包括Henry Cavill將加入MCU！唔知各位DC及Marvel迷有咩諗法呢？

最近CNN Podcast主持人Emmet Kennedy於Twitter爆料，指Kevin Feige將於會上隆重宣布多位重量級演員加盟MCU第五階段，除咗剛才提到嘅「超人」Henry Cavill，仲有美劇《Breaking Bad（絕命毒師）》大反派「炸雞叔」Giancarlo Esposito，前早佢本人亦話過有意扮演《X-Men》嘅X教授，所以成數都幾高。另外，《Star Wars: The Force Awakens（原力覺醒）》John Boyega、《Free Guy（爆機自由仁）》Jodie Comer、《A Quiet Place（無聲絕境）》John Krasinski、金像男配角Denzel Washington，以及《Normal People》Daisy Edgar-Jones亦榜上有名。

I’m reliably informed that Marvel Studios have signed epic talent for Phase 5

John Boyega
Henry Cavill
Jodie Comer
Daisy Edgar-Jones
John Krasinski
Giancarlo Esposito
Denzel Washington

To be announced (with some on stage) by Feige at #D23Expo2022 #FantasticFour #SheHulk #XMen pic.twitter.com/qZ1hI6DBqf

— Emmet Kennedy (@RadioEmmet) September 2, 2022

雖然消息來源未有提及Henry Cavill會飾演邊個Marvel角色，但坊間唔少網友都認為佢非常適合扮演「神奇先生」Reed Richards或「末日博士」Dr. Doom，當然目前都係得個傳字，等過多幾日D23博覽會開幕就知真偽！

D23 Expo將於9月9日正式開幕，為期三日。

「神奇先生」Reed Richards

「末日博士」Dr. Doom