細細個睇周星馳都話比你知入名貴餐廳「恤衫打呔」係必需，但規矩，永遠都係等人嚟打破。以往大家縱橫商界，就算幾咁衣不稱身都好，一suit走天涯係基本。但近年美國銀行業及商界不景氣，加上各種商業欺詐新聞，西裝係咪再等於專業？很多時，西裝反而係老千嘅dress code。所以近日美國華爾街一大代表，跨國投資銀行高盛（Goldman Sachs）就率先改革，於內部發出「全面彈性衣著規範（firm-wide flexible dress code）」通告。

在這份發放給36000名員工的 firm-wide flexible dress code通告中，就表示出是時候讓公司轉向穿著休閒化(relaxed its dress code)。雖然聽落非常吸引，但最矛盾的是，這份新的穿著守規並沒有定義何謂休閒服，何時可穿休閒服，當中只提醒員工們「當然，並不是每天或任何活動都適合穿著休閒服，但我們相信你能作出良好的判斷。」

What should Goldman Sachs employees wear to work tomorrow? Asking for a friend… https://t.co/zFKNe4hyWf

— Goldman Sachs (@GoldmanSachs) March 6, 2019

由於唔知邊日可以著休閒服，結果Goldman 響twitter不時會搞個voting投票，等大家齊齊有個共識，避色自己成為異類。

要有改革動力，事出必有因，好像投資銀行高盛裡面，有超過75％員工都係1981年後出生的80後年輕一輩，而最重要是高盛的現任行政總裁 David Solomon雖然年屆57歲，但身為CEO的他，更加係夜場Party打碟 DJ「DJ D-Sol」，眼光與自自然與一般商界精英完全不同。

其實早於2016年時摩根大通（JP Morgan）早已在一眾跨國商務企業中提出休閒服飾穿著指引，而當中亦表明「現在與傳統工作模式發生變化」，但由於亦沒有一套劃一守則，相信還需要年輕的舵手去定義，才走出真正的服裝休閒改革。